પ્રભુ તને કેમ વિસરું?
પીપળાને
પૂર્વના તાણા
ગટરમાં જતાં જતાં
ઝાડુના ગળે વળગી પડ્યા
ને મારા તૂટેલા ખાટલાનાં પૂરાયાં કાણા,
પ્રભુ તને કેમ વિસરું ?
ઉતરેલા ધજાના ધજાગરા
ગરનાળાના ગોખમાંથી નીકળ્યા
ને મારી ફાટેલી ગોદડીના ગાભે ગૂંથાયા,
પ્રભુ, તને કેમ વિસરું ?
ચકલે ચગદાતા માટલામાં લીંબુ ને લાડુ
માટલાના કાંઠલાને કૂતરાએ કાઢ્યું
ને બન્યું મારું વાળુનું વાસણ,
પ્રભુ તને કેમ વિસરું ?
હરિગુણ ગાતાંગાતાં
હું તો ઠેલું પોલાદી કચરાનો રથ
તારી રથયાત્રા હવે લાગી વ્યર્થ,
પ્રભુ તને કેમ વીસરું ?
ટિપ્પણીઓ નથી:
ટિપ્પણી પોસ્ટ કરો
નોંધ: ફક્ત આ બ્લોગનો સભ્ય જ ટિપ્પણી પોસ્ટ કરી શકે છે.